காமராசர் இறந்து 42 ஆண்டுகள் ஆகப்போகிறது. ஆனாலும், "காமராசர் ஆட்சி அமைப்போம்' என்ற முழக்கம் இன்னமும் ஒலித்துக்கொண்டுதான் இருக்கிறது. இதற்குக் காரணம் அவரது தியாகம், எளிமை, நேர்மை, தூய்மை. அவருக்குப் பின்னால் நடந்த அரசியலில் இந்த நான்கும் இல்லாமல் போனதால்தான் காலங்கள் கடந்தும் ஏக்கத்துடன் கவனிக்கப்பட வேண்டியவராக காமராசர் இருக்கிறார். அவரைப் பற்றி ஆயிரத்துக்கும் மேற்பட்ட புத்தகங்கள் தமிழில் வந்துள்ளன. "இதோ, மேலும் ஒரு புத்தகம்' என்று இதை ஒதுக்க முடியாது. ஏனென்றால், "பெருந்தலைவரின் பெருநிழலில்' வளர்ந்த பழ. நெடுமாறன் எழுதியிருப்பதால், இது நேரடி சாட்சியம்.

கதிராமங்கலம் காக்கப் போராடியதற்காகப் பொய் வழக்குகள் புனையப்பட்டு, திருச்சி சிறையில் அடைக்கப்பட்ட பேராசிரியர் த. செயராமன், தோழர் க. விடுதலைச் சுடர் மற்றும் கதிராமங்கலம் தோழர்கள் கா. தருமராசன், இரா. முருகன், சு. சிலம்பரசன், ரெ. செந்தில்குமார், சே. சந்தோஷ், ப. சாமிநாதன், கோ. ரமேஷ், இரா. வெங்கட்ராமன் ஆகிய 10 தோழர்கள் 11-08-2017 அன்று பிணையில் விடுதலை செய்யப்பட்டனர்.