40ஆண்டுகளுக்கு முன்னால் 02-10-1979 அன்று இதே மதுரை மாநகரில் நாம் கூடினோம். தமிழ்நாட்டின் நிலைமைகளையும், தமிழர்களின் மன உணர்வுகளை புரிந்துகொள்ளாமலும், நமது உரிமைகளை மதிக்காமலும், தில்லியிலிருந்து தன்னிச்சையாக முடிவு எடுத்து நம்மீது திணித்த காங்கிரசுத் தலைமையின் போக்கைக் கண்டித்து அக்கட்சியிலிருந்து விலகி தமிழின உணர்வின் அடிப்படையில் நாம் புதிய அமைப்பினை தோற்றுவித்தோம்.

22-12-2019 ஞாயிறு அன்று காலை 9 மணிக்கு மங்கல இசையுடன் தமிழர் தேசிய முன்னணியின் 40ஆவது ஆண்டு விழாச் சிறப்பு மாநாடு தொடங்கியது.  காலை 10 மணிக்கு புலவர் துரை. மதிவாணன் கொடியேற்றிய போது தமிழ் வாழ்க!  தமிழர் வெல்க!! தமிழ்த் தேசியம் ஓங்குக!!! என கூடியிருந்த தோழர்கள் முழங்கினர். மாநாட்டின் வரவேற்புக் குழுத் தலைவர்  வெ.ந. கணேசன் வரவேற்புரை நிகழ்த்தினார்.