பொதுத்துறை வங்கியில் பெற்ற கடனை விவசாயி ஞானசேகரன் உரிய காலத்தில் திரும்பச் செலுத்தவில்லை என்பதற்காகக் குண்டர்களை ஏவி அவரின் சாவுக்குக் காரணமாக இருந்த வங்கி அதிகாரிகள் மீதும், குண்டர்கள் மீதும் கொலை வழக்கு பதிவு செய்து உடன் நடவடிக்கை எடுக்க வேண்டும் என விவசாய சங்கத் தலைவர்கள், அரசியல் கட்சித் தலைவர்கள் ஆகியோர் வலியுறுத்தியும்கூட, இன்னமும் தொடர்புடையவர்கள் மீது கொலை வழக்குப் பதிவு செய்யப்படவில்லை என்பதை வன்மையாகக் கண்டிக்கிறோம். மறைந்தவரின் குடும்பத்திற்கு உதவ முன்வர வேண்டியது தமிழக முதல்வரின் கடமையாகும். உடனடியாக அதை அவர் செய்ய வேண்டும் என வலியுறுத்துகிறோம்.

மனிதன் வரலாற்றில் வாழ்கிறான். புதிய வரலாற்றைப் படைக்கிறான். வரலாற்று உணர்வு வளரும் சமூகத்தின் அச்சாணி. தனி மனிதர்கள் வரலாற்று மனிதர்களாக உருவாவதை தவிர்க்க முடியாது. மனிதர்கள், நிகழ்வுகள், முரண்கள், போராட்டங்கள், கண்டுபிடிப்புகள் ஆகிய வளர்ச்சியின் கூறுகளே வரலாற்றுக் காரணிகளாகத் திகழும், அவ்வகையில் வாழ்க்கை வரலாறுகள், தன் வரலாறுகள் போன்றன சமூக வரலாற்று உருவாக்கத்துக்குத் தரவுகளாக அமையும்.