"தமிழ் நாட்டுக்கு வெளியே இந்தியாவின் பிறமாநிலங்களிலும், உலக நாடுகளிலும் வாழும் தமிழர்களுக்கு தமிழ்மொழிப் பயிற்சி வழங்குவதற்காக ஆயிரத்துக்கு மேற்பட்ட தமிழ் வளர் மையங்களை அமைக்க தமிழக அரசு திட்டமிட்டுள்ளது”என தமிழ் வளர்ச்சித்துறை அமைச்சர் க. பாண்டியராசன் கூறியிருப்பதை உளமாற வரவேற்றுப் பாராட்டுகிறோம்.

40ஆண்டுகளுக்கு முன்னால் 02-10-1979 அன்று இதே மதுரை மாநகரில் நாம் கூடினோம். தமிழ்நாட்டின் நிலைமைகளையும், தமிழர்களின் மன உணர்வுகளை புரிந்துகொள்ளாமலும், நமது உரிமைகளை மதிக்காமலும், தில்லியிலிருந்து தன்னிச்சையாக முடிவு எடுத்து நம்மீது திணித்த காங்கிரசுத் தலைமையின் போக்கைக் கண்டித்து அக்கட்சியிலிருந்து விலகி தமிழின உணர்வின் அடிப்படையில் நாம் புதிய அமைப்பினை தோற்றுவித்தோம்.