குமுறிக்கொண்டிருந்த எரிமலை பொங்கி வெடித்துவிட்டது. சென்னை முதல் குமரி வரை சிற்றூர்களிலிருந்து நகரங்கள் வரை மாணவர்களும், இளைஞர்களும் கொதித்தெழுந்து புதிய வரலாறு படைத்திருக்கிறார்கள். போராடும் தங்களின் புதல்வர்கள், புதல்விகள் ஆகியோருக்கு ஆதரவாக மக்களும் களத்தில் இறங்கியிருக்கிறார்கள்.

சல்லிக்கட்டு நடத்துவதற்கு விதிக்கப்பட்ட தடையை எதிர்த்துத் தமிழக மாணவர்கள் ஒற்றுமையுடனும், கட்டுப்பாட்டுடனும், அமைதியாகவும், யாருக்கும் எவ்வித இடையூறில்லாமலும் ஒருவார காலமாக நடத்திய போராட்டம் மக்களின் பேராதரவைப் பெற்றது.