தமிழ்த்தேசியப் போராளி ஓவியர் வீர.சந்தானம் அவர்களின் நினைவேந்தல் நிகழ்ச்சி 31-7-17 அன்று சென்னை சந்திரசேகர் திருமண மண்டபத்தில் நடைபெற்றது.
இந்நிகழ்ச்சிக்கு இரா. நல்லகண்ணு தலைமை தாங்கினார். பழ.நெடுமாறன் முன்னிலை வகித்தார். ஓவியர் வீர.சந்தானம் அவர்களின் படத்தினை வைகோ திறந்து வைத்தார்.  இயக்குநர் கெளதமன் தொகுப்புரை வழங்கினார். கவிஞர்கள் உணர்ச்சிப் பாவலர் காசி ஆனந்தன், அறிவுமதி, தஞ்சாவூர்க் கவிராயர், பழனிபாரதி, யுகபாரதி, பச்சியப்பன், ஜெயபாஸ்கரன், இளையகம்பன், கவி பாஸ்கர்  ஆகியோர் உரையாற்றினர்.

23-7-17 ஞாயிறு அன்று மதுரை பால்மீனாஸ் மண்டபத்தில் "பெருந்தலைவரின் நிழலில்' நூல் அறிமுக விழா நடைபெற்றது. அனைவரையும் ச. பிச்சைக்கணபதி வரவேற்றார்.  வெ.ந. கணேசன் தொகுப்புரை நிகழ்த்தினார். இந்நிகழ்ச்சிக்கு டி.ஆர். சபாபதி தலைமை தாங்கினார். எம்.கே.டி பாலன், எம்.ஆர். மாணிக்கம் ஆகியோர் முன்னிலை வகித்தனர். பேரா. கு. வேலன் நூல் அறிமுக உரை  நிகழ்த்தினார். முதல் நூலை எஸ்.கே. மோகன் பெற்றுக்கொண்டார்.