"உன்னுடைய கருத்தை வரிக்கு வரி நான் மறுக்கின்றேன். ஆனல், அந்தக் கருத்தை நீங்கள் வெளியிடுவதற்கான சுதந்திரத்தைப் பெற்றுத் தருவதற்காக எனது உயிரையும் தர ஆயத்தமாக இருக்கிறேன்'' என்றார் வால்டேர். ஓர் உண்மையான சனநாயகத்தில் இத்தகைய ஆரோக்கியமான அணுகுமுறைதான் இருக்க வேண்டும்.ஆனால் நிலவும் சமூக வெளியில் தனக்கு உவப்பாக இல்லாத கருத்தை ஒருவர் வெளியிடுவதை ஒரு சிறிதும் சகித்துக்கொள்ள முடியாத அவல நிலைதான் தமிழகத்தில் நடைமுறையாக உள்ளது. இதன் வெளிப்பாடுதான் 2016 சூன் 4ஆம் நாள் சென்னையில் "இடது' காலண்டிதழ் சார்பாக வெளியிடப்படுவதாக இருந்த மனித நேயப் போராளி தோழர் எஸ்.வி.ஆர். என்னும் ஆவணப்படத்திற்குக் காவல்துறையினரால் மிக அவசரமாக விதிக்கப்பட்ட தடையாகும்.

தகுதி மிகுதிகொள் தண்டமிழ்ப் பெரும்புலவர் நூற்கடல் திருமிகு. தி.வே. கோபாலையர் போன்றோரிடம் செந்தமிழ் பயின்ற புலவர் திரு. பெ. சயராமன் தன் நுண்மாண்நுழைபுலத் திறனால் ஆய்ந்த ஒப்பரிய ஓர் ஒப்பாய்வு நூலைத் தமிழர்கட்குத் தந்துள்ளார். அது, "தக்கயாகப் பரணி யுடன் இரணியவதைப் பரணி - ஓர் ஒப்பாய்வு'' என்பதாம். இந்நூலாசிரி யரின் ஆழ்ந்து அகன்ற பன்னூலறிவை நூலின் வழிப் படமாகப் பார்க்க முடிகிறது.